<!-- wp:paragraph -->
<p>Ez xumxuma ava çeman,<br> Ez çerx û govend û sema,<br> Tîn im di nêv kat û lema,<br> Jîn im, hebûn im, tevger im.</p>
<!-- /wp:paragraph -->

<!-- wp:paragraph -->
<p>Bayê siba tê xweş ez im,<br>
Berfa sibatê xweş ez im,<br>
Xurtî di latê xweş ez im,<br>
Hişk û ziwa bin, ez ter im</p>
<!-- /wp:paragraph -->

<!-- wp:paragraph -->
<p>Giranbiha me, zêr û dur<br>
Ez tim hebûn im, xurt û gur,<br>
Yaqût û lal û gewher im.</p>
<!-- /wp:paragraph -->

<!-- wp:paragraph -->
<p>Pêşve diçim kar û xebat,<br>
Di nav çiyan de hîm û lat,<br>
Pêlan didim Zab û Ferat,<br>
Çelq û xumîn û gur-gur im.</p>
<!-- /wp:paragraph -->

<!-- wp:paragraph -->
<p>Pir xurt û hêz im ez hebûn,<br>
Ez pêşveçûn û serxwebûn,<br>
Herdem di nav damar û xûn,<br>
Ez her heme, qet namir im.</p>
<!-- /wp:paragraph -->

<!-- wp:paragraph -->
<p>Bihişt ez im, agir ez im,<br>
Bakir ez im, rakir ez im,<br>
Xemgîn kir û şa kir ez im,<br>
Herdem didim, ez na kirim.</p>
<!-- /wp:paragraph -->

<!-- wp:paragraph -->
<p>Jîn im, bihar im har û dîn,<br>
Candar bi min herdem bi tîn,<br>
Min dane wan ev hilm û bîn,<br>
Dinêv hebûnê cîgir im.</p>
<!-- /wp:paragraph -->

<!-- wp:paragraph -->
<p>Ev ax û ba û av im ez,<br>
Ev pêtî û alav im ez,<br>
Xweş ronî û pertav im ez,<br>
Xurtî di zendên karker im.</p>
<!-- /wp:paragraph -->

<!-- wp:paragraph -->
<p>Herdem heme, peyda me ez,<br>
Tava riwê xeyda me ez,<br>
Cama bi dest Seyda me ez,<br>
Ez ol û vîn û bawer im.</p>
<!-- /wp:paragraph -->

<!-- wp:paragraph -->
<p>Jîna Cegerxwîn im ji dil,<br> Ez xurtî û tîn im di dil,<br> Ez hêz û xurtî me di mil,<br> Karim vî laşî ragirim.</p>
<!-- /wp:paragraph -->

<!-- wp:paragraph -->
<p>
Cigerxwîn

</p>
<!-- /wp:paragraph -->